കൂനനുറുമ്പ് പോലരിച്ചുകയറുന്ന വാക്കുകളിൽ ഒരിക്കൽ പോലുമവളുടെ പേരവിചാരിതമായെഴുതാനായിട്ടില്ല.അടുത്തതെഴുതുന്നതവളുടെ പേരാകുമെന്ന പ്രതീക്ഷയൊരിക്കലും കൈവെടിയാനാവാത്തതിനാലാവാം. ആ പേരെന്റെ സ്വന്തം കൈപ്പടയിലെഴുതിക്കണ്ടാലടുത്ത വാക്കതിനെ നിഷ്പ്രഭമാക്കണമെന്ന ശാഠ്യമെപ്പൊഴോ മനസ്സിൽ കയറിക്കൂടിയതിനാലാവാം. ആ പേരിൽ ജീവിച്ചപ്പേരിന്നർത്ഥതലങ്ങൾ പതിന്മടങ്ങ് വർദ്ധിപ്പിച്ചൊരുവളേക്കുറിച്ചെഴുതാൻ തുനിയുമ്പോളതിന് സംഭവിച്ചേക്കാവുന്ന നഷ്ടങ്ങളേക്കുറിച്ചോർത്തുമാവാം.
മഞ്ഞറിഞ്ഞുരുകും പോലെ ആകാശമിടിയുമാറ് പെയ്യും മഴ പോലെ കാറ്റിന്റെ താളത്തിലൊഴുകും കവിത പോലൊന്നെഴുതാനറിയില്ലെന്നറിവുമാകാം ഉള്ളിൽ കിടന്നു പുളഞ്ഞിട്ടുമാപേര് പേനയാലൊരിക്കലും എഴുതാനാകാത്തത്.
കുറച്ച് സ്വരങ്ങളിൽ പല വ്യഞ്ജനങ്ങൾ ചേരുമ്പോളിത്രയും ഭാരമെവിടെയും പാടില്ല. ആ ഭാരത്തിൽ തകർന്നടിഞ്ഞില്ലാതാവുന്ന മറ്റു പേരുകളുടെ, മറ്റു വാക്കുകളുടെ, ആ പേരിൽ കൊള്ളാനൊക്കാതെ പോയ മറ്റക്ഷരങ്ങളുടെ ശാപത്താലാവാം ആ പേരൊരിക്കലും എഴുതാനാകാഞ്ഞത്.
ആ പേരിന്റെ പേരിൽ എഴുതാതെ പോയ എഴുത്തുകളും കഥകളും കവിതകളും, പുതുതായി വാങ്ങിയ പേനകൊണ്ടപ്പേരെഴുതാൻ വിറച്ച ദിനങ്ങളുമൊരിക്കലപ്പേരവിചാരിതമായി കടലാസിൽ കടന്നു കൂടുന്നത് കാണുമ്പോളെന്തിനിതിനുവേണ്ടി അത്രയും അവസരങ്ങളില്ലാതാക്കിയെന്ന് ചോദിക്കും. ആ വിചാരണയുടെ ഭാരം താങ്ങാവുന്നൊരെഴുത്തുകാരും എന്നിൽ ജനിക്കാത്തത് കൊണ്ടാകാമിന്നേ വരെ ആ പേരെഴുതാനാകാതെ പോയത്.
ഒരിക്കലാ പേരിന് വിലയില്ലാതാകും. ആ പേരെഴുതാനുള്ള ആഗ്രഹവും അവസരവും ഭാരവും. ഒരിക്കലും എഴുതാതിരുന്ന ആ പേരവിടെക്കാണുമ്പോൾ മഞ്ഞുറക്കും. ചാറ്റൽമഴ പെയ്യും. നിറങ്ങളൊന്നിക്കും. ഭാരം തിരികേ വരും. അന്നാപേരെന്നിൽ വരുത്തിവച്ചതോർത്തതിനേ പേന കൊണ്ട് വെട്ടക്കുത്തി മുറിവേൽപ്പിച്ചില്ലാതാക്കും. രക്തം പൊടിയില്ല. മറ്റാർക്കും വേദനിക്കില്ല. അന്നാ പേരെന്നിൽ മരിക്കും. ആ പേരവിടെ മറക്കും.
കടലാസിലെ യുദ്ധക്കളത്തിൽ ഒളിഞ്ഞിരുന്നില്ലാതായ പേര് ഒരിക്കലും എഴുതപ്പെട്ടില്ലെന്ന് വാക്കുകളും അക്ഷരങ്ങളും ധരിക്കും. ഇതൊന്നുമറിയാതെ അവളേക്കുറേപേരാപേര് വിളിക്കും.
2015
മഞ്ഞറിഞ്ഞുരുകും പോലെ ആകാശമിടിയുമാറ് പെയ്യും മഴ പോലെ കാറ്റിന്റെ താളത്തിലൊഴുകും കവിത പോലൊന്നെഴുതാനറിയില്ലെന്നറിവുമാകാം ഉള്ളിൽ കിടന്നു പുളഞ്ഞിട്ടുമാപേര് പേനയാലൊരിക്കലും എഴുതാനാകാത്തത്.
കുറച്ച് സ്വരങ്ങളിൽ പല വ്യഞ്ജനങ്ങൾ ചേരുമ്പോളിത്രയും ഭാരമെവിടെയും പാടില്ല. ആ ഭാരത്തിൽ തകർന്നടിഞ്ഞില്ലാതാവുന്ന മറ്റു പേരുകളുടെ, മറ്റു വാക്കുകളുടെ, ആ പേരിൽ കൊള്ളാനൊക്കാതെ പോയ മറ്റക്ഷരങ്ങളുടെ ശാപത്താലാവാം ആ പേരൊരിക്കലും എഴുതാനാകാഞ്ഞത്.
ആ പേരിന്റെ പേരിൽ എഴുതാതെ പോയ എഴുത്തുകളും കഥകളും കവിതകളും, പുതുതായി വാങ്ങിയ പേനകൊണ്ടപ്പേരെഴുതാൻ വിറച്ച ദിനങ്ങളുമൊരിക്കലപ്പേരവിചാരിതമായി കടലാസിൽ കടന്നു കൂടുന്നത് കാണുമ്പോളെന്തിനിതിനുവേണ്ടി അത്രയും അവസരങ്ങളില്ലാതാക്കിയെന്ന് ചോദിക്കും. ആ വിചാരണയുടെ ഭാരം താങ്ങാവുന്നൊരെഴുത്തുകാരും എന്നിൽ ജനിക്കാത്തത് കൊണ്ടാകാമിന്നേ വരെ ആ പേരെഴുതാനാകാതെ പോയത്.
ഒരിക്കലാ പേരിന് വിലയില്ലാതാകും. ആ പേരെഴുതാനുള്ള ആഗ്രഹവും അവസരവും ഭാരവും. ഒരിക്കലും എഴുതാതിരുന്ന ആ പേരവിടെക്കാണുമ്പോൾ മഞ്ഞുറക്കും. ചാറ്റൽമഴ പെയ്യും. നിറങ്ങളൊന്നിക്കും. ഭാരം തിരികേ വരും. അന്നാപേരെന്നിൽ വരുത്തിവച്ചതോർത്തതിനേ പേന കൊണ്ട് വെട്ടക്കുത്തി മുറിവേൽപ്പിച്ചില്ലാതാക്കും. രക്തം പൊടിയില്ല. മറ്റാർക്കും വേദനിക്കില്ല. അന്നാ പേരെന്നിൽ മരിക്കും. ആ പേരവിടെ മറക്കും.
കടലാസിലെ യുദ്ധക്കളത്തിൽ ഒളിഞ്ഞിരുന്നില്ലാതായ പേര് ഒരിക്കലും എഴുതപ്പെട്ടില്ലെന്ന് വാക്കുകളും അക്ഷരങ്ങളും ധരിക്കും. ഇതൊന്നുമറിയാതെ അവളേക്കുറേപേരാപേര് വിളിക്കും.
2015
